Cindy's Beauty Journal

最近 clean beauty 大行其道，香港人多車多，空氣污染真係不能睇小，所以作為消費者，我對護膚產品嘅成分亦越來越重視，成分越純越好，拎起包裝首先要睇有冇防腐劑、酒精、香料、人造色素，避免一不小心引起皮膚過敏或者泛紅。 Ultra Repair Cream 強效保濕修復面霜 First Aid Beauty 正式在登陸香港之前我已經系用家，特登搵人從北美帶返嚟，佢價格平，成分天然，其中皇牌產品絕對系 Ultra Repair Cream ，就好似佢個名咁， first aid 同 ultra repair ，屋企一定要有一瓶睇門口，佢系殘樣救星，長用絕對推薦： 質地：白色乳霜狀，勁似 fluffy 嘅 whip cream 氣味：無特別香味 價格： 2 49 HKD / 170g 使用方法：洗乾淨臉之後，先塗爽膚水及精華，最後將 ultra repair cream 均勻塗抹在臉上，直至吸收 效果：吸收快，輕輕推開皮膚就融入肌膚。四季都適用，夏天為肌膚極速補水，冬天有效舒緩乾燥痕癢。哩個價買到 170g 一大樽，可謂經濟實惠，用多 D 都唔會心痛，仲可以搽埋身體。 p.s.: 成分天然，屋企個小朋友都系用佢，肌膚一有過敏，佢就系救星，急速擊退紅腫同痕癢。 Facial Radiance Pads 柔膚提亮去角質潔膚片 第二件推薦產品系 Facial Radiance Pads ，香港空氣差，現在仲日日戴口罩，夏天油脂分泌多，臉部好容易出暗瘡，用刺激嘅護膚產品雖然可以對抗痘痘發炎，但係長遠對肌膚傷害大，搞到過敏就得不償失，又紅又腫點算好？ Facial Radiance Pads 真係岩曬我現在嘅需要！ 質地：棉片一面有凹凸圓點，另一面平整順滑，每片都飽含精華 氣味：無特別味道，性質溫和 價格： 2 49 HKD / 60pcs 用法： 1. 在塗抹護膚產品或者系做 masks 前先用去角質潔膚片輕輕打圈清潔，再開始日常護膚步驟。 2. 早晨清潔肌膚後，上妝前先用去角質潔膚片清潔，再進行上妝。 效果：去角質潔膚片溫和不刺激，系敏感肌人士嘅去角質恩物，而且去角質後肌膚對正常護膚品的吸收特別好。雖然一盒有成 60 塊疊放，但係好神奇每一塊濕度都好平均，唔會上面部分特別乾。清潔完後棉片有灰色污垢，原來自己潔膚

相信Clarins嘅double serum已經系唔sis心中耳熟能詳嘅抗老神器，無論你系20，30還是40歲，只要用佢總冇錯！ 佢2:1嘅水油親膚黃金比例，成分瞬間滲入肌底，皮膚快速吸收，最緊要系水油平衡得岩岩好，補水得嚟唔油笠，短期內令肌膚緊緻有光澤，令唔少同類品牌都望塵莫及。  質地：清新植物草本香氣，水油2:1，透明及淺啡兩種顏色分明，易推開，不油笠。 用法：徹底潔臉後，塗上爽膚水軟化皮膚，輕輕泵出一泵的分量，合掌搓勻混和，在肌膚還水潤時輕輕在面上按摩，直至皮膚完全吸收。 Double serum雖然成分有油，但係用完卻一點也不覺油笠，第二日早上皮膚仲充滿光澤，唔會油光滿臉，上妝唔kick粉，連夏天都好易carry，秋冬更系皮膚滋補之選，相信系Clarins哩款皇牌產品嘅過人之處。   令你有貴婦一般嘅皮膚，價格當然唔系平民價。但係就算Clarins double serum價錢偏高，仍然跑贏其他品牌幾條街，的確系靠效果取勝。而且對輕熟女嚟講，最重要系貴得有價值，睇到皮膚真正嘅改善，解救老化危機，愛美的sis值得一試！

一齊開啟U-TURN年輕之旅吧！一句咁吸引嘅廣告台詞，已經令人蠢蠢欲動。作為醫學美容產品，Bioderma嘅再生水系未真係親民又好用呢？之前聽好多JM講佢令肌膚起死回生，今次終於可以親自試下，認真期待！ 首先講下包裝，個設計非常用心，獨立新鮮包裝，保證產品質素，一日用一支，份量剛剛好。 再睇下質地，水凝質感，無色無味，輕盈清爽唔笠身，在使用爽膚水之後輕輕拍打在臉上，肌膚吸收得好快。 不過顧名思義，佢系再生水，功用在於幫助肌膚再生同促進肌膚代謝，最終結果系抗衰老。我諗因為系咁，所以佢系唔潤嘅，之後要選擇補充返水分同潤澤感強嘅精華同面霜。 因為不含防腐劑，產品開封後要12小時內使用，包裝比一般的安瓶使用時更方便，不怕開封時被玻璃弄傷，獨立迷你包裝亦適合帶去旅行用。 連續使用咗兩星期，肌膚明顯有光澤，額頭同眼周輕微的細紋亦有減淡。現在連上妝都靚過以前，雖然未回到20歲，但係出街都已經充滿自信！

認識 GLAMGLOW 系因為當時紅極一時嘅 mud selfie ，好多明星都成為 GLAMGLOW 系列面膜嘅忠實擁躉，於是我毫不猶疑地入手咗人生中嘅第一瓶黑罐，當時有被粗糙嘅泥膜驚艷（其實系驚嚇）到，因為質感太似在泥裡面執上嚟的樹葉碎定茶葉梗，不過效果呢就絕對系去角質同深層清潔中嘅佼佼者。   今次試用白罐真係令人期待，因為在我心中佢系幼滑版嘅黑罐，我對佢嘅最大期待系對鼻翼黑頭嘅清潔能力。首先系開罐介紹，樽身設計簡潔，容量唔大只有 50ml ，質地顆粒較粗但係用過黑罐就知道其實佢已經系非常細滑，延展性唔錯，相對黑罐更容易均勻塗抹在整張臉上，味道系好醒神嘅薄荷味同一 D 類似草本香氣嘅混合。 相信好多人都有疑問，點解白罐同黑罐要叫發光面膜，唔知有冇人好似我一樣第一次用真係會熄燈睇下會唔會有熒光效果（我認我好傻）。其實命名為發光面膜，系因為用完之後皮膚細膩光滑，就好似會透出蘋果光一樣，不過對我嚟講哩 D 真係噱頭嚟，但係對住燈照又好似真係光澤感大大提升。   用法首先要徹底清潔臉部，然後均勻塗上超級發光面膜，根據每個人塗抹的厚度唔同，泥膜變乾嘅速度亦唔同，我就等咗大概 10 分鐘，鼻尖最先乾透，哩個時候可以清楚見到每個毛孔，感覺系自己塊臉真係好邋遢。在泥膜逐漸變乾嘅時候，臉部慢慢有繃緊的感覺，就好似 feel 到毛孔內嘅污跡一 DD 被強力吸咗出嚟，臉頰位置緊到影相系睇得出細咗，犀利！ 待 5-10 分鐘後徹底洗淨泥膜，肌膚瞬間覺得有 D 乾，同時覺得緊咗，油脂感為零，而且毛孔感覺通暢，清潔能力無敵，無論從 T 字位還是額頭都有自然光澤，提亮效果顯著。   好啦講咗甘耐，最驚艷我嘅地方系洗完臉之後，雖然黑頭同粉刺冇即時消失，但係過咗幾分鐘好似識得一粒粒自己浮上嚟甘，稍微用手卒下就一粒粒甩落嚟，真係好神奇啊，亦系我愛哩隻面膜嘅最大理由！   總結：白罐用嚟做清潔面膜一流，不過對皮膚稍有刺激，所以敏感肌最好試過唔會過敏再長用。除咗成臉用，仲可以局部敷，可以厚敷又可以薄敷，如果有痘痘或者粉刺簡直就系恩物。定價為 HKD490/ 50ml ，可以敷到十次八次，如果局部敷用得仲耐，其實計落都算抵用。用過兩款發光面膜，我更加期待 GLAMGLOW 嘅其他系列，真係值得擁有架！

來自紐約嘅護膚品牌 MALIN+GOETZ 包裝行嘅系簡約風格，哩種行實力唔靠外貌協會俘虜少女心嘅包裝，未用就已經深得我心。岩岩好最近皮膚狀態好差，皮膚乾燥暗沉，仲面臨爆痘危機，哩款深層清潔面膜嚟得正是時候，即刻就拆開試用！ MALIN+GOETZ 泡沫淨化排毒面膜，成分包括胺基酸、天然杏仁精華、穩定性維他命 C 、抗氧化維他命 E 、大豆蛋白、保濕維他命 B5 、角鯊烯和甘油。 氣味： 香甜杏仁味。 質地： 剛擠出來是米黃色乳霜狀，容易推開。 使用前臉色暗沉，有D蠟黃，毛孔又好粗大，仲好油笠，真係慘不忍睹啊！>.< 用法： 徹底清潔面部並抹乾，之後塗一層 MALIN+GOETZ 泡沫淨化排毒面膜。過咗半分鐘，神奇嘅事情就發生啦！乳霜狀嘅面膜會慢慢變白變厚，成為一層泡沫覆蓋在臉部，之後泡沫會越變越厚（一因為開始塗得太多同靠近鼻端，最後 D 泡泡越嚟越綿密，搞到抖唔到氣 >.< 暈！）仲會聽到泡泡發出“吱吱聲”，又幾得意！ 被泡泡覆蓋嘅感覺就系臉部所有污糟野都浮曬出嚟，每個毛孔都好似得到新生咁呼吸順暢。五分鐘之後抹走泡泡就得，不過我就濕水打圈按摩下再沖水，瞬間感覺系皮膚有光澤，膚色較之前均勻，毛孔更緊緻，油分都得到控制。試用過程中因泡泡嘅原因有少許刺激但係並無過敏反應，我覺得尚算溫和。 注意事項： 使用時需留意避開鼻端和眼周位置，以免泡泡越發越大時遮蓋眼睛和鼻孔。 總體試用效果非常滿意，我中意佢深層清潔嘅原理，仲可以預防黑頭同粉刺產生，只需五分鐘毛孔輕鬆無負擔！售價為 HKD400/100ml ，我覺得 CPV 系高，大家可以考慮入手！

講起坊間嘅胎盤素產品，印象最深刻就系有多年胎盤素保養經驗嘅fracora。所以今次試用Mizuii天馬胎盤精華素，我第一個諗法就係哩兩個品牌強強對決，一個日本製造，一個台灣製造，要分勝負真係要睇個產品有幾work啦！ 話說三十歲之後肌膚就開始有鬆弛、下垂同色素沉澱等初老現象，而且一旦皺紋出現就好難返轉頭，就算化妝潤色都冇辦法遮掩肌膚所流失嘅彈性和水潤透明感，真係愁死人。要搵到一款提升肌膚彈性，預防初老嘅產品真係吾容易。而胎盤素精華卻經常被用於對付鬆垮的皮膚，令平時疏於保養嘅肌膚可以通過胎盤素哩條“橋”更好地吸收其他護膚品，達到滿意嘅護膚效果。 Mizuii嘅包裝非常簡單，背面嘅成分寫得一清二楚，而主要成分天馬胎盤精華（unicorn placenta extra）更達到98.8%，同時含有Amino Acid，幫助精華快速滲透。每支精華嘅含量為10ml，臉部連眼連頸，用幾次都夠曬。 產品：無色無味，流動性高，容易推開和吸收。 用法：徹底洗淨臉部，在爽膚水後，先滴落手心，再以按壓方式均勻塗抹於整個臉部（包括眼周）和頸部，特別是細紋和鬆弛的位置（眼底同法令紋位置）可塗多一層，吸收快，質感清爽不笠，連敏感肌都適用。 效果：用咗Mizuii天馬胎盤精華素之後再搽平時用的面霜，肌膚冇額外負擔，而且吸收得好快，保濕度高。之後上妝持妝度好，妝容服帖，吾容易脫妝。 整體用後感：Mizuii嘅質感比fracora要厚身d，但係吸收度同保濕度效果均不俗。連續使用三天後，肌膚細紋有減淡，因為用後肌膚對其他護膚品的吸收更好，令整個臉部的保濕度明顯提升，嘴角及眼尾的乾紋有減淡；彈性提升相對於保濕度則較弱，看來要促進膠原蛋白的生長還需要更長時間的使用；美白作用則未有明顯改善。總體來說是很好的使用體驗，如果能配合同品牌系列產品使用相信效果更佳。